- الإعلانات -

العتيّق : بكرا يوم جديد

أعلنت رئيس بلديّة بلاط وتوابعها عبدو بطرس العتيّق عبر صفحة البلديّة :

- الإعلانات -

الأهل والأعزاء في بلاط وقرطبون ومستيتا،

بعد صدور قرار معالي وزير الداخلية والبلديات العميد محمد فهمي، باشرنا الاتصالات اللازمة مع تدابير اجراء فحوصات PCR للمخالطين او اصحاب العوارض، وابلغنا سعادة المحافظ ومعالي الوزير انو قرار الإقفال بحاجة لإعادة نظر خصوصا انو دراسة عدد الاصابات واماكن الحجر ما بتستوجب الإقفال والعزل.
اجراءاتنا الصحية والوقائية كانت عم تتم بالتنسيق مع سعادة المحافظ وبعلم القائمقام حتى تم توضيح صورة الواقع – والحمد لله – صدر قرار معالي الوزير اليوم بانهاء الاقفال على ضوء النتائج يلي زودناه فيها وكانت مطابقة لنتائج لجنة ادارة ازمة كورونا ووزارة الصحة العامة.
بكرا راح ترجع الحركة تدريجيا” وبتمنى على الجميع ياخدو اقصى درجات الحيطة والحذر، والإلتزام بالارشادات الوقائية بدون تهاون لأنو اهلنا ما بقا يحملو تدبير اقفال وعزل من جديد، راح يضطر الوزير يرجع يقررو في حال رجعت الاصابات ترتفع بنطاقنا البلدي، ونحنا كبلدية ما راح نكون قادرين ناخد اي موقف مخالف لأنو حماية اهلنا أولوية بس كل واحد منكن لازم يتذكر كمان انو حماية الأهل اولوية بتلزمنا بالإلتزام بارشادات الوقاية وبطليعتها المسافة الآمنة والكمامة والتعقيم او الاغتسال.
رجائي انو كل واحد منا يرجع لضميرو ويتذكر سلامة وصحة يلي بيحبهن.
بكرا يوم جديد، لازم يكون الخطوة الأولى بمسيرة التعافي والسلامة.

التعليقات مغلقة.

This website uses cookies to improve your experience. We'll assume you're ok with this, but you can opt-out if you wish. Accept Read More