- الإعلانات -

بلدية بلاط وقرطبون ومستيتا : ” درهم وقاية خير من قنطار علاج “

صدر عن بلدية بلاط وقرطبون ومستيتا البيان التالي :

- الإعلانات -

الى الأهل في بلاط وقرطبون ومستيتا،

بعد التفشي السريع لوباء كورونا، رجعنا لحالة الاقفال التام بمحاولة اخيرة لمواجهة الكارثة بعدما تخطت اعداد المصابين ٤٠٠٠ يوميا’.
احبائي،
من بداية انتشار هذا الوباء ما تركنا شي للوقاية والمكافحة الا وعملناه بكل النطاق البلدي وبعدنا مستمرين ليل نهار، كل شي طلبناه منكن انو تساعدونا بالوقاية والتزام اجراءات الحماية. للأسف البعض منكن ما التزم وكان عم يكتفي بالتنظير والتشويش، وكانت النتيجة ارتفاع أعداد المصابين عنا بصورة سريعة وصارت مخيفة واذا استمر الوضع هيك ممكن نفقد السيطرة عالوباء بوقت قصير جدا”.
يا أحبا،
زيادة اسرّة المستشفيات، ما بقا يكفي “لوحده” لمواجهة الكارثة ، لانو تصاعد الاصابات راح يكون اسرع من زيادة عدد اسّرة المستشفيات،
منشان هيك، لازم ما تطلعو من البيوت الا للضرورة القصوى، وما تتهاونوا بالإجراءات والتعاون مع البلدية وخلية الأزمة لنطلع كلنا سالمين.
الأوضاع الصحية بالبلد بتخوف لأنو المستشفيات وصلت لطاقتها القصوى. المختبرات توقفت عن اجراء فحوصات لانو ما عادت قادرة تلبي تحت ضغط الأعداد الكبيرة، الاوكسيجين للمستشفيات مصدرو معمل واحد بلبنان وما منعرف قديش قادر يصمد ويتابع انتاجو…

كمان مرة، درهم وقاية خير من قنطار علاج، التباعد الكمامات غسل اليدين الزموا اجراءات الوقاية خلليكن بالبيت، ما تنزعوا الكمامة وبلغو الخط الساخن عن اي تطور او مصاب ما عرفنا او تبلغنا فيه 09546366.
اعياد سعيدة…

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

This website uses cookies to improve your experience. We'll assume you're ok with this, but you can opt-out if you wish. Accept Read More