- الإعلانات -

- Advertisement -

اميل نوفل : انا في خدمة الانماء والعمران لكل بلاد جبيل دون تمييز

- Advertisement -

وجّه النائب الأسبق اميل نوفل نداء الى الجبيليين جاء فيه :

- Advertisement -

اميل نوفل في نداء الى الجبيليين قبل يوم من الانتخاب .

اهلي وأحبائي بمنطقة جبيل

إنتو وأنا عا موعد مع اليوم التاريخي ، يوم الانتخاب نهار الأحد الجايي .

لازم نخلي التاريخ يشهد إنو تنيناتنا عملنا بكل ضمير ووجدان عا انقاذ مستقبل منطقتنا بالإنماء والعمران والبحبوحة والازدهار .

لازم قرار جبيل يكون طالع من ارض جبيل ولمصلحة أبناء بلاد جبيل.

لأنو مصلحة مستقبل جبيل أكبر من مصلحة الأحزاب والطوائف والتيارات السياسية والأشخاص .

الأحزاب بتاخد وكالتكن لمصلحتها السياسية وما عاد بتسأل عنكن ولا عن ولادكن ولا عن الانماء بضياعكن وبلداتكن .

اربع سنين وأكتر مرقو من حياتنا السياسية ما شافت بلاد جبيل اي مشروع انمائي او عمراني او تربوي او نهضوي …

بلاد جببل ما شافت إلا حرب تويتر وهمية بين نوابها وهني مختلفين فوق الطاولة … وبكل الاوقات متفقين تحت الطاولة لمصلحتهن ومصلحة أحزابهن وضد مصلحتكن .

أحبائي الجبيليات والجبيليين

نهار الأحد لازم نشهد عا محبتنا لقضاء جبيل من الساحل والوسط والجرد .
لازم تكون مصلحة بلاد جبيل فوق كل مصلحة .. وفوق كل اعتبار

اميل نوفل عرفتوه من صفوف الشعب . من صفوفكن .

- Advertisement -

- Advertisement -

انا حر القرار ،
قراري بيطلع من مصلحتكن .

انا وطني المواقف ،
ومواقفي من تاريخ بلاد جبيل الوطني

انا في خدمة الانماء والعمران لكل بلاد جبيل دون تمييز او تفريق .

بكل الظروف كنت معكن وحدكن .
بالظروف الصعبة والايام العادية كنت معكن عالمرة وعالحلوي .

وهيك اليوم بعلن ترشيحي من خلال ماضيي معكن .
من خلال معرفتي بضياعكن وبيوتكن وحاجاتكن بالتوظيف والمدارس والمستشفيات والخدمات

انا بدعيكن تروحو نهار الأحد تنتخبو .. وتمارسو حقكن بإنقاذ منطقتكن من الحرمان والإهمال .

انتخبو وطلعو جبيل من هيمنة الأحزاب والتجاذبات السياسية يللي حرمت منطقتنا من الاعتمادات وحقها بالنفقات والانماء المتوازن .

اذا بقيتو بالبيت او انتخبتو بورقة بيضا يعني عم تجددوا لنواب ما حققو اي انجاز انمائي لمنطقتكن وأخدو وكالتكن النيابية الى مشاريع أحزابهن السياسية .

خياركن ورا العازل الانتخابي بينقذ منطقتكن .

كونو أحرار بالإختيار حتى ترجعو بلاد جبيل الى عهد الإزدهار .

حتى ترجعو بلاد جبيل الى القرار الوطني الحر .

نهار الأحد انتو وأنا بدنا نشهد لحرية بلاد حبيل .. لكرامة بلاد جبيل .. لإنماء بلاد جبيل .. لمستقبل بلاد جبيل .
عشتم وعاشت بلاد جبيل .

This website uses cookies to improve your experience. We'll assume you're ok with this, but you can opt-out if you wish. Accept Read More