بصوتك الخافت طمنتنا إنك بخير
تشكر الرب وتقول الحمدلله
وما في ع تمّك كلمة غير
دعوة تالمرضى يشفيهن الله
كاس مر كتير، ليش فتري عم تودّع شبابا؟ ليش الحزن عم يدق بوابا؟
جواتنا غضب وأسى، ومية سؤال وسؤال! يا رب شو حكمتك؟!
نظير، يا بيّ وخيّ وصديق، وخادم أمين بوقف رعيتك. كلّك نخوة وعندك حب العطاء، وحكمة ووفا أدّت لإختيارك رئيس لجامعة بني ضو ببلدتنا فتري.
فراقك كتير صعب وما في حدا يعبي الفراغ من بعد رحيلك لدنية الحق.
يا رب منك الصبر منطلب، انت أردت فلتكن مشيئتك، ورجانا وعزانا الوحيد انو خينا نظير بين إيدين العدرا وراح عمطرح احلى، وربنا رح يكافي ع كل وزناتو يللي اشتغل عليها بجهد ومحبة.
بكرّت بالرحيل انت وجان وسامر … ورح تجتمعوا من جديد مع كل يلي سبقونا.
الله يرحمك وتكون نفسك بالسما 🙏🙏